گوگل؟
گوگل کی چیزیں استعمال نہ کرنے کا ہم نے پہلے بھی کہا ہے، تو اس سلسلے میں گوگل کے متبادل چیزوں کا بتانا ضروری ہے۔۔
یہ متبادل پہلے بھی بتائی ہیں مگر اب زیادہ تاکید کے ساتھ بتا رہے ہیں اور اس بات کو ہلکا نہ لیں،کیونکہ گوگل آپ کی جاسوسی میں کوئی کسر باقی نہیں چھوڑتا۔۔
۱۔ گوگل کروم:
پچھلے دنوں ایک رپورٹ آئی تھی کہ گوگل کروم کا ایک ٹول ہے۔۔۔ کلین اپ ٹول۔۔۔ جو آپ کے فائلز کو اسکین کرتا رہتا ہے اور ضرورت ہونے پر بتا بھی دیتا ہے کہ آپ کے کمپیوٹر میں وائرس ہے،حالانکہ گوگل کروم کا کام تو براوزنگ ہے، اسے اینٹی وائرس کے کام کرنے کی کیا ضرورت،
گوگل کمپنی والے یہی بتاتے ہیں کہ اس سے وہ صرف یہ دیکھنا چاہتے ہیں کہ کونسا سافٹوئیر یا فائل کروم کیلئے رکاوٹ ہے، لیکن درحقیقت اس کا مقصد آپ کے ڈیٹا تک رسائی اور اس کی جاسوسی مقصود ہے۔
لہذا گوگل کروم کا استعمال نہ کریں۔۔ فائر فوکس بہترین متبادل ہے۔
۲۔ گوگل سرچ انجن:
اس میں کوئی شک نہیں کہ گوگل کی سرچ انجن سب سے بہترین سرچ انجن ہے، مگر چونکہ وہ اپنے اس سرچ سے آپ کی ذہنیت، شوق ، اور نظریہ سے متعلق معلومات اکٹھی کرتا ہے، جو کہ بعد میں انٹلیجنس اداروں کو یہ معلومات دے بھی سکتا ہے۔ اس لئے گوگل سرچ انجن کا استعمال نہ کریں۔
مگر یہ بات یاد رکھیں کہ جو بھی متبادل گوگل کا ہم بتائینگے وہ ظاہر ہے گوگل کے مقابلے کا نہیں ہوگا، مگر ہم صرف سیکیورٹی اور پرائیویسی وجوہات کی بنا پر کسی متبادل کا ذکر کرتے ہیں۔
گوگل سرچ انجن کے متبادل:
۱۔اسٹارٹ پیج : سب سے بہتر متبادل یہی اسٹارٹ پیج ہے، جس میں آپ کو سارے گوگل کے ہی تلاش کئے گئے چیزیں ملیں گی مگر سرور اسٹارٹ پیج کا ہوگا، یعنی پرائیویسی آپ کی رہیگی اور آپ کو چیز بھی گوگل کی ملے گی۔
اس کو سیٹ کرنے کا طریقہ یہ ہے کہ ان کےویب سائٹ پر جائیں:
https://www.startpage.com/
اس کے شروع میں لکھا آئے گا کہ
Add to firefox
یا آپ کے براوزر کا نام لکھا آئے گا تو اسے کلک کریں تو آپ کے براوزر میں یہ سرچ انجن انسٹال ہوگی پھر سیٹنگز سے اس کو سیلکٹ کر لیں۔
۲۔ قوانٹ: اس کو انسٹال کرنے کا طریقہ، آپ اس کے ویب سائٹ پر جائیں
https://www.qwant.com/
اور اس میں انسٹال قوانٹ پہ کلک کریں، اور ایڈ کر لیں۔۔
۳۔ ڈس کنیکن: یہ بھی اسٹارٹ پیج کی طرح خود سرچ نہیں کرتا، بلکہ ڈک ڈک گو یا یاہو کے ذریعے سے سرچ کرتا ہے، او ر آپ کی پرائویسی کو بحال رکھتے ہوئے اپنے سرور کے ذریعے سرچ کر کہ آپ کے سامنے دیتا ہے۔۔
https://search.disconnect.me/
۴۔ سرکس: یہ بھی اچھی سرچ انجن ہے لیکن چونکہ اس کا پلگ ان ہمیں براوزر کیلئے کوئی اچھا نہیں ملا ، یعنی اس کیلئے آپ کو ویب سائٹ ہی بار بار وزٹ کرنی پڑیگی اس وجہ سے اس کو نمبر ۴ پر ہم نے ذکر کیا، وگرنہ یہ بھی سیکیورٹی کے حوالے سے اچھی سرچ انجن ہے اور اوپن سورس بھی ہے۔
کوشش یہی کریں کہ اسٹارٹ پیج یا قوانٹ ہی استعمال کریں۔۔
ڈک ڈک گو: بعض حضرات ڈک ڈک گو استعمال کرنے کا مشورہ دیتے ہیں اور شاید ہم نے بھی پہلے اس کے بارے میں مشورہ دیا ہو تو وہ بات ہماری بلا تحقیق تھی، اس سے ہم رجوع کرتے ہیں۔۔
ڈک ڈک گو کمپنی کا یاہو، امازون اور ای بے جیسے مشکوک کمپنیوں کے ساتھ الحاق ہے۔اس کی پرائیویسی پالیسی بھی کسی قدر باقی جاسوسی کرنے والے کمپنیوں سے کم نہیں، اس کمپنی کا بھی کہنا ہے کہ ہم ڈیٹا اکٹھا کرتے ہیں، آپ کے سرچ کئے گئے الفاظ بھی اپنے پاس محفوظ کرتے ہیں اور اس کے علاوہ آپ کے آئی پی ایڈریس وغیرہ معلومات بھی اپنے پاس محفوظ رکھتے ہیں۔۔
یعنی اس سروس کا استعمال بھی مناسب نہیں ہے۔۔
چونکہ یہ ایک دفعہ کسی سیکیورٹی ماہر کی طرف سے تجویز کی گئی تھی اور بعد میں سب لوگ اس کو بلا تحقیق تجویز کرنے لگے اور بات یہاں تک پہنچی کہ اب ہر کوئی گوگل سرچ انجن کا متبادل ڈک ڈک گو ہی بتاتا ہے۔۔خیر اس سے پرہیز کریں۔۔۔